काठमाडौं । नेपाल प्रहरीका १५५ जना प्रहरी सहायक निरीक्षक (असई) प्रहरी नायव निरीक्षक (सई) मा बढ़ुवा र पदस्थापन भएका छन् ।

प्रहरी महानिरीक्षकको मंगलबारको निर्णय अनुसार, जनपदतर्फका १५५ जना असईलाई सई पदमा बढुवा गरिएको हो । साथै उनहरुलाई तोकिएका दरबन्दीमा पदस्थापन गरिएको छ ।

अब प्रहरी नायव निरीक्षक पदमा बढ़ुवा भएका कर्मचारीहरूलाई प्रचलित नियमअनुसार तलव, भत्ता, र अन्य सुविधा हाल तोकिएको पदस्थापन स्थानबाट पाउने छन् ।

साथै दर्ज्यानी चिन्हद्धारा सुशोभित गरी, सम्बन्धित कार्यालयहरूले यसबारे आवश्यक जानकारी र कारबाही सुनिश्चित गर्न प्रहरी प्रधान कार्यालयले निर्देशन दिएको छ ।