काठमाडौं । प्रधानमन्त्री केपी शर्मा ओलीको चीन भ्रमणको औपचारिक घोषणा भएको छ

। परराष्ट्र मन्त्रालयले आज प्रेस वक्तव्य जारी गर्दै प्रधानमन्त्री ओलीको ४ दिने भ्रमणको घोषणा गरेको हो।

१७ गते बेइजिङ प्रस्थान गर्ने ओलीले १८ गते राष्ट्रपति सी जिनपिङ र प्रधानमन्त्री ली छ्याङसँग द्विपक्षीय भेटवार्ता गर्ने कार्यक्रम छ ।

भेटका अवसरमा आपसी चासोका विषयमा विचार आदानप्रदान हुने परराष्ट्र मन्त्रालयले जनाएको छ ।

साथै उनले चिनियाँ जनकांग्रेसका स्थायी समिति अध्यक्ष चाओ लेजीसँग पनि भेटघाट गर्ने कार्यसूची छ ।

उनले नेपाल–चीन व्यापार मञ्चलाई पनि सम्बोधन गर्ने कार्यक्रम छ । प्रधानमन्त्री ओली नेतृत्वको भ्रमण टोली मंसिर २० नेपाल फर्कनेछ ।

बिहीबार बसेको मन्त्रिपरिषद् बैठकले प्रधानमन्त्री ओलीको चीन भ्रमण स्वीकृत गरेको थियो।

प्रधानमन्त्री ओलीको चीन भ्रमण टोलीमा ८७ सदस्य सहभागी हुनेछन्। सरकारी खर्चमा ३९ जना र निजी खर्चमा ४८ जना चीन जानेछन्।