काठमाडौं । राष्ट्रिय स्वतन्त्र पार्टीले सहकारी प्रकरणमा अनुसन्धान भइरहेको विषयलाई पार्टीले प्रभावित पार्न नखोजेको स्पष्ट पारेको छ ।

मंगलबार काठमाडौंमा पत्रकार सम्मेलन गरेर रास्वपाले सो विषयमा स्पष्टीकरण दिएको हो ।

पत्रकार सम्मेलनमा रास्वपाका कार्यवाहक प्रवक्ता मनिष झाले पार्टी सभापति रवि लामिछानेलाई राजनीतिक पूर्वाग्रहका आधारमा थुनामा राख्ने कामको विरोध गरेको तर सहकारी प्रकरणमा अनुसन्धान भइरहेको विषयलाई प्रभावित पार्न नखोजेको बताए ।

कार्यवाहक प्रवक्ता झाले लामिछानेविरुद्ध राज्यले नै हुँदै नभएको कुरा बाहिर ल्याएको र एकपक्षीय ढंगले दोष थुपार्ने काम भएको दाबी गरे ।