धनगढी । कैलालीको धनगढीस्थित चैतन्य पाठशालाले पूर्वविद्यार्थी तथा राष्ट्रिय क्रिक्रेट खेलाडी स्नेहा महरालाई सम्मान गरेको छ ।

मंगलबार विद्यालयले विहानी प्रार्थना सभाको अवसरमा आईसीसी यू-१९ महिला विश्व कपमा छनोट नेपाली महिला टोलीकी सदस्य स्नेहा महरालाई सम्मान गरेको हो ।

सम्मान कार्यक्रममा बोल्दै उनले आफुले विगतका दिनमा स्टोन ब्रिज हुँदा आफुले कक्षा नर्सरीदेखि लगनशील भएर यसै विद्यालयबाट कक्षा १० सम्मको अध्ययन गरेको र अध्यनसम्म विद्यालयले आफुलाइ यहाँसम्म पुर्याउन ठूलो योगदान दिएको बताइन् । यस्तै विद्यालयका प्रधानाध्यापक कटक बहादुर सिँहले स्नेहाको प्रशंसा गरे ।

उनले विद्यार्थीमा हुनु पर्ने लगन र मिहिनेत स्नेहामा रहेको बताए । जसकारण उनी आज यहाँसम्म पुगेको र यो सफलतामा आफुलगायत विद्यालय परिवार निकै खुशी भएको उनको भनाइ छ ।

प्रधानाध्यापक सिँहले स्नेहालाई ५० हजार नगद पुरस्कार दिने पनि घोषणा गरे । सो नगद पुरस्कार स्नेहालाई विद्यालयको वार्षिकोत्सव र वार्षिक अभिभावक दिवस समारोहमा दिइने छ ।

यो प्रतिष्ठित पुरस्कारको उद्देश्य खेलकुदमा उत्कृष्टतालाई प्रोत्साहित गर्ने र उत्कृष्ट खेलाडीहरूलाई चिनाउने रहेको बताइएको छ ।