तेह्रथुम । नेकपा एमाले तेह्रथुमको अध्यक्षमा शिवप्रसाद ढुङ्गाना निर्वाचित भएका छन् । ढुङ्गगाना गोविन्दराज श्रेष्ठलाई पराजित गर्दै अध्यक्षमा निर्वाचित भएका हुन् ।

श्रेष्ठलाई अध्यक्ष केपी शर्मा ओलीनिकटका नेताहरूले समर्थन गरेका थिए । ढुङ्गानाले २२६ मत पाए भने श्रेष्ठले २०४ मत पाएका थिए ।

उपाध्यक्षमा सन्तोष तिगेला सर्वसम्मत निर्वाचित भएका थिए । सचिवमा भने श्रेष्ठ प्यानलका तारामान मादेन निर्वाचित भएका छन् ।

खुला उपसचिवमा यादवबहादुर खापुङ र महिला उपसचिवमा तारा ढकाल निर्वाचित भए ।