काठमाडौं । नेकपा एमालेले आज सडकमा शक्ति प्रदर्शन गर्दैछ ।

कार्यक्रमका संयोजकसमेत रहेका वाग्मती प्रदेश इन्चार्ज राजन भट्टराईका अनुसार जागरण सभा दरबारमार्गमा हुनेछ । एमालेले एक लाख मानिस सडकमा उतारेर ‘जागरण सभा’ गर्न लागेको हो ।

जागरण सभालाई पार्टी अध्यक्षसमेत रहेका प्रधानमन्त्री केपी शर्मा ओलीले सम्बोधन गर्नेछन् ।

भद्रकालीबाट जुलुस न्युरोड गेट, वीर हस्पिटल, रत्नपार्क, त्रिचन्द्र क्याम्पसको अगाडिबाट दरबारमार्गमा पुगेर कोणसभामा परिणत हुनेछ ।

बिहान साढे ११ बजे जुलुुस सुरू गरेर साढे १२ बजे दरबारमार्गमा कार्यक्रम हुने बताइएको छ । अराजकता र निराशालाई चिर्न जागरण सभा गर्न लागिएको एमालले जनाएको छ ।

एमालेले यही मंसिर १६ गते हुने स्थानीय तह उपनिर्वाचन लक्षित गरेर कार्यक्रम गर्न लागेको हो ।