Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
बिहिवार , मंसिर ६, २०८१
काठमाडौं । हाल प्रभु बैंकमा मर्ज भएको तत्कालिन सेञ्चुरी बैंकले नक्कली कागजपत्रका आधारमा दुई अर्ब ३० करोड कर्जा प्रवाह गरेको पुष्टि भएको छ ।
हाल थुनामा रहेका देउराली सहकारीका अध्यक्ष रबिन्द्र चौलागाईसँगको मिलेमतोमा बैंकले कर चुक्ताको नक्कली प्रमाणपत्रकै आधारमा यसरी ठूलो कर्जा दिएको हो । जुन कर्जा डुबेपछि हाल प्रभु बैंक समेत समस्यामा छ ।
बैंकले कर चुक्ता प्रमाणपत्रको आधिकारिकता समेत नबुझी ऋण दिएको सिआईबीकै अनुसन्धानले देखाएको छ । जसमा सिआइबीले चौलागाईसहित उनकी श्रीमती पूजा खत्री तथा राजेन्द्र खत्री र मनोज भण्डारीविरुद्ध ललितपुर जिल्ला अदालतमा लिखत कीर्ते मुद्दा दायर गरेको छ ।
चौलागाईले पूजा मार्केटिङ प्रालि, पूजा ट्रेडिङ एण्ड मार्केटिङ प्रालि र थ्रि ब्रदर्स मार्केटिङ प्रालिका नाममा कर चुक्ताको नक्कली पत्र बनाई बैंकमा पेस गरी कर्जा लिएका थिए ।
चौलागाई र बैंकका तत्कालिन अध्यक्ष राजेश श्रेष्ठ घरजग्गा कारोबारका साझेदार हुन् । सोही कारण मिलेमतोमै यसरी कर्जा प्रवाह भएको स्रोत बताउँछ ।
तर, बैंकका सञ्चालक र कर्मचारीलाई भने जोगाउन गृहमन्त्री रमेश लेखक र केही प्रहरी अधिकारीहरु लागेको स्रोत बताउँछ । सोही कारण सिआइबीमा अनुसन्धान अलपत्र परेको छ ।
यसअघि सिआइबीले सञ्चालक र कर्मचारीलाई पक्राउ गरे पनि दबाबको भरमा हाजिरी जमानीमा छाडेको थियो ।
सिआइबीले कर्मचारीलाई मात्र मुद्दा चलाउने गरी सिफारिस गरेकोमा अनुसन्धान नपुगेको भन्दै विशेष सरकारी वकिल कार्यालयले अनुसन्धान प्रतिवेदन फिर्ता गरेको थियो । त्यसपछि सिआइबी अनुसन्धान सुस्त छ ।
सुरुमा अनुसन्धानका लागि प्रभु बैंकका सिइओ अशोक शेरचनले नै प्रहरीमा दबाब दिएका थिए । पछि उनी नै सो केस मिलाउन लागेको सिआइबी स्रोत बताउँछ ।
सो मुद्दाको अनुसन्धानमा केही प्रहरी अधिकारीले अनुचित लाभ लिएको आरोपमा प्रहरी प्रधान कार्यालयले समेत छानबिन गरेको थियो ।
लिखत कीर्ते मुद्दाको अभियोगपत्रमै धितोको अधिक मूल्याङ्कन गरेर कर्जा दिइएको उल्लेख छ । जसले कर्जा प्रवाहमा बैंकका सञ्चालक तथा कर्मचारीको मिलेमतो प्रस्ट हुन्छ ।
एक अर्ब ४० करोड कर्जा त सञ्चालक समितिबाटै निर्णय गरेर दिइएको थियो । तर, जसरी पनि सञ्चालकलाई जोगाउने चलखेलले अनुसन्धान अलपत्र परेको हो ।
© 2026 All right reserved to onlinenepal.com
Design & Developed By
