एजेन्सी। । भारतीय अर्बपति गौतम अडानीमाथि अमेरिकामा ठगी र घुसखोरीको आरोप लागेको छ ।

अडानीमाथि अमेरिकामा ठेक्का अनुबन्धका लागि २५० मिलियन डलर घुस दिने योजना बनाएको र त्यसलाई लुकाउने प्रयत्न गरेको आरोप लागेको हो ।

न्यूयोर्कको संघीय अदालतले अडानीसहित ७ जनाविरुद्ध ठगी र घुसखोरीको आरोप लगाएको छ।

संयुक्त राज्यका वकिलको कार्यालयका अनुसार अडानीले भारतमा सौर्य ऊर्जा परियोजना सुरक्षित गर्न भारतीय अधिकारीहरूलाई २५ करोड डलर घुस दिने वाचा गरेका थिए ।

यो रकम जुटाउन अमेरिकालगायत अन्य देशका लगानीकर्ता र बैंकसँग झुट बोलेको आरोप छ। आरोप लागेकाहरूमा अडानी ग्रीन एनर्जी लिमिटेडका अधिकारीहरू र अडानीसँग नजिक रहेका सागर र विनीत जैन पनि समावेश छन्।

गौतम अडानी र सागर अडानीविरुद्ध पक्राउ पुर्जी जारी गरिएको दाबी गरिएको छ। अडानी समूह सन् २०२३ देखि नै सन्देहको घेरामा काम गरिरहेको समाचारमा उल्लेख छ ।