काठमाडौं । नेपाली कांग्रेसका महामन्त्री गगनकुमार थापाले चीनसँग विगतमा गरिएका सम्झौताहरू कार्यान्वयन गर्नुपर्ने बताएका छन् ।

बुधबार काठमाडौंमा आयोजित कार्यक्रममा बोल्दै महामन्त्री थापाले यस्तो बताएका हुन् ।

उनले चीनसँग सहमति भएका अनुदान सहायता तथा अन्य सम्झौताहरू पूर्ण कार्यान्वयनमा ल्याएपछि मात्रै बीआरआई योजना अगाडि बढाउनुपर्ने कांग्रेसको अडान रहेको बताए ।

उनले नेपाली कांग्रेसको यो धारणा नेकपा एमालेसँग फरक रहे पनि मतभेदलाई व्यवस्थापन गर्दै अघि बढ्न सक्ने विश्वास व्यक्त गरे ।