काठमाडौं । राष्ट्रिय स्वतन्त्र पार्टीले उपनिर्वाचनमा पार्टीका उम्मेदवारको टिकटमा हस्ताक्षर गर्ने अधिकार कार्यबाहक महामन्त्री कविन्द्र बुर्लाकोटीलाई दिने निर्णय गरेको छ ।

मंगलबार बसेको केन्द्रीय समितिको भर्चुअल बैठकले सो निर्णय गरेको हो । बैठकले उपनिर्वाचनका लागि निर्वाचनसँग सम्बन्धित कामका लागि हस्ताक्षर गर्ने अधिकार बुर्लाकोटीलाई दिएको बताइएको छ ।

आगामी १६ मंसिरमा २२ पदका लागि उपनिर्वाचन हुँदैछ । जसमा रास्वपाले पनि भाग लिने निर्णय गरिसकेको छ ।

यस्तै बैठकमा पछिल्लो राजनीतिक घटनाक्रम, सभापति पक्राउ लगायतको विषयमा पनि छलफल भएको बताइएको छ ।