मोरङ । नेकपा एमालेका महासचिव शंकर पोखरेलले एमालेलाई निर्णायक राष्ट्रिय शक्ति बनाउन सबै लाग्नुपर्ने बताएका छन् ।

एमाले मोरङ जिल्ला कमिटीले आज ग्रामथान गाउँपालिकामा आयोजना गरेको कार्यकर्ता भेला एवं प्रशिक्षण कार्यक्रममा उनले यस्तो बताएका हुन् । उनले ‘मिसन–८४’ मा पार्टीलाई बहुमतका साथ विजयी बनाउन आजैदेखि कार्यकर्ता संगठित भएर लाग्नुपर्ने बताए ।

महासचिव पोखरेलले एमालेको नीतिलाई राष्ट्रको नीति बनाउन आगामी निर्वाचनमा विजयी बनाउन सकेमात्र मुलुकमा विकासले गति लिने दाबी गरे ।

कार्यक्रममा कोसी प्रदेशका मुख्यमन्त्री हिक्मतकुमार कार्कीले एमालेको लोकप्रियताकै कारण विगतको उपनिर्वाचनमा पार्टीका उमेदवारले पूर्वको इलाम र पश्चिममा समेत विजयी भएको बताए ।