काठमाडौं । सरकारले पैसा नतिरेर लाइन काटिएका उद्योगहरूमा सोमबार १२ बजेभित्र बिजुली जोड्ने निर्णय गरेको छ ।

आइतबार साँझ बसेको मन्त्रिपरिषद बैठकले सोमबार १२ बजेभित्रमा लाइन काटिएका उद्योगहरूमा बिजुली जोड्ने निर्णय गरेको हो ।

सरकारले दुई दर्जनभन्दा बढी उद्योगमा पैसा नतिरेको भन्दै बिजुलीको लाइन काटेको थियो ।

यस्तै मन्त्रिपरिषदले लाल आयोगले तयार गरेको प्रतिवेदन समेत सार्वजनिक गर्ने निर्णय गरेको बताइएको छ ।