काठमाडौं । काठमाडौंको नागार्जुन नगरपालिकाबाट जुवातास खेलिरहेका पाँच जना पक्राउ परेका छन् ।

नागार्जुन-४ शुभकामना टोलमा रहेको श्रेया खाजाघरमा जुवातास खेलिरहेको अवस्थामा प्रहरीले उनीहरूलाई आइतबार पक्राउ गरेको हो ।

पक्राउ पर्नेमा खाजघर सञ्चालक संखुवासभाको खाँदबारी नगरपालिका-४ घर भएकी ४० वर्षीया उषा तामाङ पनि रहेकी छन् ।

प्रहरी वृत्त स्वयम्भूबाट खटिएको प्रहरीले उनीहरूलाई नगद ६७ हजार ५२० रूपैयाँ र १ बुक ताससहित पक्राउ गरेको जनाएको छ ।