एजेन्सी । भारत च्याम्पियन्स ट्रफी २०२५ का लागि पाकिस्तान नजाने भएको छ ।

भारतीय क्रिकेट बोर्ड (बीसीसीआई) ले अन्तर्राष्ट्रिय क्रिकेट परिषद् (आईसीसी) लाई च्याम्पियन्स ट्रफी २०२५ का लागि पाकिस्तान नजानेबारे गरेको निर्णय जानकारी दिइसकेको हो ।

बीसीसीआईले आईसीसीलाई भारतीय टीमलाई पाकिस्तान नपठाउन सल्लाह दिएको बताइएको छ ।

८ टीमले सहभागीता जनाउने यस टुर्नामेन्टको आयोजक यसपटक पाकिस्तान रहेको छ । अब भारतीय टीम पाकिस्तान नजाने भएपछि टुर्नामेन्ट हाइब्रिड मोडलमा खेलाउन सकिने अनुमान गरिएको छ ।

च्याम्पियन्स ट्रफीमा भारत, पाकिस्तान, अस्ट्रेलिया, इङ्ग्ल्यान्ड, अफगानिस्तान, बङ्गलादेश, न्यूजिल्यान्ड र साउथ अफ्रिकाले सहभागीता जनाउने छन् ।