चितवन । मेघौलीस्थित सामुदायिक वनमा गैंडाको आक्रमणबाट पथप्रदर्शक घाइते भएका छन्।

आक्रमणमा भरतपुर-२७ सिसौघारी टोल बस्ने २८ वर्षीय पथप्रदर्शक जगबहादुर माझी घाइते भएका हुन् ।

चितवन राष्ट्रिय निकुञ्जको मध्यवर्ती क्षेत्रमा पर्ने सदाबहार सामुदायिक वनमा विदेशी पर्यटकलाई घुमाउनेक्रममा गैंडाले आक्रमण गरेको हो।

माझीको पेट, टाउको र हातमा चोट लागेको छ। गैंडाले आक्रमण गरेपछि जंगल सफारीमा रहेको सोल्टी वेस्ट्रन रिसोर्टको गाडीमार्फत उद्धार गरिएको थियो।

घाइतेको भरतपुर अस्पतालमा उपचार भइरहेको छ।