काठमाडौं । चलचित्र ‘तेल भिसा’को ट्रेलर सार्वजनिक भएको छ ।

चलचित्र ‘तेल भिसा’को निर्माणपक्षले ट्रेलर सार्वजनिक गरेको हो ।

शंकर घिमिरेको लेखन तथा निर्देशनमा निर्माण भएको चलचित्र ‘तेल भिसा’मा अभिनेता विपीन कार्की बृद्ध र जवानसहित दोहोरो भूमिकामा छन् ।

विपीनसँगै वर्षा राउत, पूजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरुको यो चलचित्रमा अभिनय रहेको छ ।

अनिल पाण्डे र शिवराज कार्कीको लगानी रहेको चलचित्रका कार्यकारी निर्माता प्रिन्स युवराज कार्की र श्रुती दाहाल हुन् ।

सुशन प्रजापतिको छायांकन रहेको चलचित्र मंसिर ७ गते रिलिज हुनेछ ।