काठमाडौं । राष्ट्रिय स्वतन्त्र पार्टी (रास्वपा)ले केन्द्रीय समिति बैठक बोलाएको छ।

भोलि बिहान साढे ११ बजे पार्टी कार्यालय चःमतिमा केन्द्रीय समिति बैठक बोलाइएको हो ।

पाँच कार्यसूचीमा छलफल गर्न केन्द्रीय समिति बैठक बस्दैछ।

समसामयिक राजनीतिक गतिविधि, पार्टीको सांगठनिक गतिविधि, आगामी राजनीतिक सहकार्यका न्यूनतम मुद्दाहरू र सङ्घर्षको मोडालिटीबारे बैठकमा छलफल हुनेछ।

त्यस्तै मंसिर १६ गते हुने स्थानीय तह उपनिर्वाचनमा पार्टी परिचालन र विविध प्रस्तावमाथि छलफल हुने रास्वपाले जनाएको छ ।