मोरङ । नेपाली कांग्रेसले बलराम सरदारलाई मोरङको ग्रामथान गाउँपालिका अध्यक्षको उम्मेदवार बनाउने निर्णय गरेको छ ।

आगामी मंसिर १६ गते हुने स्थानीय तह उपनिर्वाचनका लागि कांग्रेस मोरङको संसदीय समिति बैठकले सरदारलाई उम्मेदवार बनाउने निर्णय गरेको हो ।

आज बसेको बैठकले कांग्रेस मोरङका सल्लाहकार सदस्यसमेत रहेका सरदारलाई उम्मेदवार बनाउने निर्णय गरेको कांग्रेसले जनाएको छ ।

गाउँपालिका अध्यक्षको लागि काङ्ग्रेसबाट १७ जना आकांक्षी रहेको भए पनि सरदारलाई उम्मेदवार बनाइएको हो ।