कैलाली । सुदूरपश्चिम प्रदेशमा दशैँ र तिहारको अवधिमा जुवातास खेल्ने झन्डै चार सय जनालाई प्रहरीले पक्राउ गरेको छ ।

प्रदेश प्रहरी कार्यालय, जिल्ला प्रहरी कार्यालय तथा मातहतका कार्यालयबाट समेत खटिएको टोलीले प्रदेशका ६ जिल्लाबाट तीन सय ९७ जना जुवाडेलाई पक्राउ गरेको हो ।

उनीहरुको साथबाट २९ लाख सात हजार २५४ नगद रुपैयाँ पनि बरामद गरिएको सुदूरपश्चिचम प्रदेश प्रहरी कार्यालय धनगढीले जनाएको छ ।

प्रदेश प्रहरीको तथ्यांकअनुसार सबैभन्दा धेरै कैलालीमा एक सय ८४ जनालाई पक्राउ गरिएको छ । उनीहरूको साथबाट ११ लाख नौँ हजार रूपैयाँ नगद बरामद गरिएको छ ।

यस्तै, कञ्चनपुरबाट ११ लाख ९० हजारसहित एक सय ५९ जना, चार लाख ४१ हजारसहित डडेल्धुराबाट २८ जना, अछामबाट ८६ हजारसहित ९ जना, बझाङबाट ६६ हजारसहित ५ जना र डोटीबाट १२ हजारसहित १२ जनालाई पक्राउ गरिएको प्रदेश प्रहरी कार्यालयले जनाएको छ ।