अछाम । प्रहरीले अछाममा लागुऔषधसहित एक जनालाई पक्राउ गरेको छ ।

जिल्लाको साँफेबगर नगरपालिका–३ टोटासालका ५८ वर्षीय पुरन कुँवरलाई ३० ग्राम लागुऔषधसहित बिहीवार दिउँसो प्रहरीले पक्राउ गरेको हो ।

उनी टोटासालमा मिलन किराना पसल सञ्चालन गर्दै आएको जिल्ला प्रहरी कार्यालय अछामका प्रमुख तथा प्रहरी नायव उपरीक्षक (डीएसपी) ईश्वरी प्रसाद भण्डारीले जानकारी दिए ।

साँफेबगर इलाका प्रहरी कार्यालयबाट खटिएको टोलीले कुँवरलाई आफ्नै किराना पसलबाट चरेस जस्तो देखिने कालो ठोस पदार्थसहित नियन्त्रणमा लिएको उनले बताए । उनीमाथि थप अनुसन्धान भइरहेको बताइएको छ ।