कैलाली । जिल्ला प्रहरी कार्यालय कैलाली र मातहतका प्रहरी टोलीले विभिन्न भारतीय नाकाहरुबाट तस्करी भई ल्याइएका करिब २ लाख ८७ हजार ७५० रुपैयाँ बराबरका पटाका नियन्त्रणमा लिएको छ।

धनगढी उप-महानगरपालिकाका विभिन्न स्थानबाट बरामद गरिएका यी पटाकाहरू जिल्ला प्रहरी कार्यालय कैलालीमा राखिएको छ।

कैलाली प्रहरीका अनुसार, धनगढी उपमहानगरपालिका वडा नं. ८, क्याम्पस चोकबाट १ लाख २९ हजार ९५० रुपैयाँ बराबरका बिभिन्न प्रकारका पटाकाहरू बरामद भएका छन् ।

यस्तै, वडा नं. ९, त्रिवेणीघाटबाट १ लाख ८०० रुपैयाँ बराबरका पटाकाहरू र वडा नं. ८, बुद्ध चोकबाट ५७ हजार रुपैयाँ बराबरका पटाकाहरू नियन्त्रणमा लिइएको छ।

प्रहरीले बरामद पटाकाहरूको संकलन गरी थप अनुसन्धानका लागि प्रक्रिया अघि बढाएको छ।