कास्की । गृहमन्त्री रमेश लेखकले कांग्रेस उपसभापति धनराज गुरूङमाथि पनि छानबिन हुने बताएका छन् ।

प्रेस युनियन कास्कीले बुधबार पोखरामा गरेको पत्रकार सम्मेलनमा बोल्दै गृहमन्त्री लेखकले यस्तो बताएका हुन् ।

उनले सहकारीको रकम हिनामिना गर्ने जोकोहीलाई पनि कारबाही गरिने बताए ।

पूर्वगृहमन्त्री रवि लामिछानेलाई सहकारी संसदीय छानबिन समितिले सिफारिस गरेको आधारमा छानबिन गरिएको उनको दाबी छ ।

यस्तै उनले हिउँदे अधिवेशनमा प्रहरी ऐन पारित गर्ने तयारी रहेको जानकारी दिए ।