काठमाडौं । राष्ट्रपति रामचन्द्र पौडेलको अजरबैजान भ्रमण स्वीकृत भएको छ ।

मंगलबार बसेको मन्त्रिपरिषद बैठकले राष्ट्रपति पौडेलको भ्रमण स्वीकृत गरेको हो ।

राष्ट्रपति पौडेल जलवायु परिवर्तनसम्बन्धी संयुक्त राष्ट्रसंघीय संरचना महासन्धि पक्ष राष्ट्रहरूको २९ औं सम्मेलनमा भाग लिन अजरबैजान जान लागेको बताइएको छ ।

उनी २५ कात्तिकमा त्यसतर्फ प्रस्थान गर्नेछन् भने ३० कात्तिकमा स्वदेश फर्किने गरी भ्रमण स्वीकृत भएको छ ।