काठमाडौं । साफ महिला च्याम्पियनसिप फाइनल खेलको टिकट अखिल नेपाल फुटबल संघ (एन्फा) आफैंले बिक्री गर्ने भएको छ।

नेपाल र बंगलादेशबीच हुने फाइनल खेलको टिकट एन्फा आफैंले बिक्री गर्ने निर्णय गरेको हो।

एन्फाका अनुसार एन्फा कम्प्लेक्स सातदोबाटो, जाउलाखेल र आर्मी ब्यारेक नजिक गरी तीन ठाउँबाट टिकट बिक्री हुने छ।

साधारणतर्फ १० हजार र भीआईपीका लागि १ हजार टिकट मात्रै बिक्री गरिने एन्फाले जनाएको छ।

यस्तै, एन्फाले माउन्ट एभरेस्ट स्पोर्ट्स एन्ड इभेन्ट्स प्रालिसँग टिकट बिक्री सम्झौता रद्द गरेको छ ।

यसअघि फाइनल खेलका लागि अनलाइन टिकट खरिद गरेकाहरूको पैसा भने फिर्ता गरिने भएको छ।

यसअघि सोमबार सूचना प्रकाशित गरी एन्फाले ‘अर्को सूचना जारी नभएसम्मका लागि’ टिकट बिक्री बन्द गरेको थियो।