काठमाडौं । ठगी गरेको आरोपमा पक्राउ परेका हाँस्य कलाकार सुलेमान शंकर ‘इकु’ रिहा भएका छन् ।

जिल्ला अदालत काठमाडौंले उनलाई ५ लाख धरौटीमा रिहा गर्न आदेश दिएको हो ।

न्यायाधीश खिमानन्द भुषालको इजलासले इकुलाई धरौटीमा छाड्न आदेश दिएको हो ।

अदालतको आदेशपछि उनी १४ असोजमा रिहा भएका हुन् ।

कलाकार भिसामा युरोप पठाउने भन्दै ठगी गरेको आरोपमा प्रहरीको केन्द्रिय अनुसन्धान ब्यूरो (सीइआबी)ले २६ भदौमा बुढानिलकण्ठबाट पक्राउ गरेको थियो ।