कैलाली । प्रहरीले साढे चार ग्राम लागूऔषधसहित दुई जनालाई पक्राउ गरेको छ ।

जिल्ला प्रहरी कार्यालय कैलालीका अनुसार शनिबार साँझ भजनी नगरपालिका १ गोदाम टोलमा इलाका प्रहरी कार्यालय भजनीबाट खटिएको टोलीले गोप्य सूचनाका आधारमा ४ ग्राम ५१० मिलिग्राम खैरो हेरोईनसहित उनीहरूलाई पक्राउ गरेको हो ।

सुशिल साउदको शरीर तलासी गर्दा प्लास्टिकको पोकोमा लुकाएर राखेको अवस्थामा खैरो रंगको धुलो पदार्थ फेला परेको थियो, जुन लागू औषध खैरो हेरोइन भएको आशंका प्रहरीले गरेको छ ।

पक्राउ परेका साउदसँगै २७ वर्षीय वीरेन्द्र बिष्टलाई पनि पक्राउ गरी थप अनुसन्धान भइरहेको कैलाली प्रहरीले जनाएको छ ।