काठमाडौं । नेकपा एमालेले नेता भीम रावललाई स्पष्टीकरण सोध्ने निर्णय गरेको छ ।

आइतबार साँझ पार्टी केन्द्रीय कार्यालय च्यासलमा बसेको एमालेको सचिवालयले बैठकले सो निर्णय गरेको हो ।

पार्टी निर्णयविरुद्ध बोलेको भन्दै उनलाई स्पष्टीकरण सोध्ने निर्णय गरेको बताइएको छ ।

पार्टीको १० औं राष्ट्रिय महाधिवेशनयता अध्यक्ष ओलीसँग सम्बन्ध राम्रो नभएका रावल त्यसयता पार्टीमा जिम्मेवारीविहीन छन् ।

उक्त महाधिवेशनमा रावलले ओलीको चाहानाविपरित उनीसँग अध्यक्ष पदमा प्रतिस्पर्धा गरेका थिए ।

त्यही कारण नेता रावल ओली प्रवृतीको विरोध गर्दै आएका छन् । उनी आफूलाई कारबाही गरेर देखाउन चुनौती दिँदै आएका थिए ।