एजेन्सी । इजरायली प्रधानमन्त्री बेन्जामिन नेतान्याहुको निजी निवासलाई निशाना बनाएर लेबनानले ड्रोन हमला गरेको छ । इजरायली प्रधानमन्त्रीको कार्यालयले एक विज्ञप्ति मार्फत सो घटनाबारे जानकारी दिएको हो ।

विज्ञप्तिमा नेतन्याहू र उनकी पत्नी सारा हमलाको समयमा घरमा नभएको तथा घटनामा कुनै चोटपटकको रिपोर्ट नभएको उल्लेख गरिएको छ।

शनिवार बिहान लेबनानबाट उडाइएका अन्य दुई ड्रोनहरू इजरायलको हवाई सुरक्षा निकायले खसालेको थियो ।

आक्रमण पछि नेतन्याहूले लेबनानले ड्रोन आक्रमण गरेर ठूलो गल्ती गरेको बताउँदै लेबनानले मेरो हत्याका लागि बनाएको ड्रोन आक्रमणको योजना उसको लागि भयावह बन्न सक्ने चेतावनी दिए ।