काठमाडौं । नेकपा एमालेको पार्टी कार्यालय भवन बनाउन रास्वपाका कार्यकर्ताहरूले व्यङ्ग्य गर्दै ‘एक रुपैयाँ दान संकलन’ कार्यक्रमको नाममा विरोध प्रदर्शन गरेका छन् ।

भाटभटेनीका सञ्चालक मीनबहादुर गुरुङले जग्गा दान गरेको कुरालाई लिएर रास्वपाका कार्यकर्ताहरूले व्यङ्ग्यपूर्ण शैलीमा आलोचना गरेका हुन् ।

शनिबार माइतीघरमा भेला भएका रास्वपा कार्यकर्ताहरूले पार्टी सभापति रवि लामिछानेको गिरफ्तारीविरुद्ध नाराबाजी गर्दै व्यङ्ग्यपूर्ण शैलीमा एमालेको भवन निर्माणलाई लिएर आलोचना गरे ।

रास्वपा सभापति लामिछानेलाई सहकारी रकम हिनामिनाको आरोपमा शुक्रबार साँझ प्रहरीले पक्राउ गरेको थियो। सोहीको विरोधमा रास्वपा कार्यकर्ताहरू सडकमा उत्रिएका हुन् ।