मोरङ । नेपाली कांग्रेसका नेता डा. शेखर कोइरालाले कांग्रेस –एमाले गठबन्धनको सरकारले ढल्ने सम्भावना नभएको दाबी गरेका छन् ।

मोरङको बेलबारीमा नेपाल भूतपूर्व सैनिक संघ मोरङको प्रथम जिल्ला अधिवेशनलाई सम्बोधन गर्दै नेता कोइरालाले यस्तो दाबी गरेका हुन् । उनले तत्कालै सरकार ढल्ने सम्भावना नरहेको बताए ।

वर्तमान गठबन्धनको सरकार राजनीतिक स्थिरता, आर्थिक विकास र सुशासन कायम गर्ने लक्ष्यका साथ निर्माण भएको डा. कोइरालाको भनाइ थियो ।

उनले आगामी निर्वाचनसम्म यो सरकार रहने दाबी पनि गरे। सरकार ढल्ने सम्भावना नभए पनि सरकारको काम चित्तबुझ्दो नभएको कोइरालाको भनाई छ ।