काठमाडौं । राजनीतिक प्रतिशोध साँधेर राष्ट्रिय स्वतन्त्र पार्टी (रास्वपा)का सभापति रवि लामिछानेलाई पक्राउ गरेको भन्दै नेता कार्यकर्ताहरु विरोध प्रदर्शनमा उत्रिएका छन्।

सहकारी ठगी प्रकरणमा अनुसन्धानको लागि रवि पक्राउ परेपछि काठमाडौंको माइतीघरमा रास्वपाका नेता र कार्यकर्ता विरोध प्रदर्शनमा उत्रिएका हुन् ।

सरकारले राजनीतिक प्रतिशोध साँधेर लामिछानेलाई पक्राउ गरेको आरोप उनीहरूले लगाएका छन्।

प्रदर्शनकारीहरूले ‘राजनीतिक प्रतिशोध बन्द गर’, ‘सहकारी पीडितको ८७ अर्ब खोइ’ प्लेकार्डसहित प्रदर्शन गरे ।