काठमाडौं । काठमाडौं महानगरपालिकाका प्रमुख बालेन्द्र शाहले हिन्दू राष्ट्र संविधानमा नभई स्वाभिमानमा हुनुपर्ने बताएका छन् ।

बुधबार साँझ सामाजिक सञ्जाल फेसबुकमा कविता शैलीमा एक स्टाटस लेख्दै उनले यस्तो बताएका हुन् ।

उनले हिन्दू राष्ट्र संविधानमा नभई स्वाभिमानमा चाहिने बताए ।

‘गाउँ मासेर बनेको शहरको के काम ? आफ्नो ठाउँ नै नरहे पछि, नाउँ बेचेर बनेको रहरको के काम ? आफ्नो भाउ नै नभए पछि,’ उनले लेखेका छन्, ‘मलाई बुद्ध बोलीमा हैन, ज्ञानमा चाहिन्छ । हिन्दू राष्ट्र संविधानमा हैन, स्वाभिमानमा चाहिन्छ ।’