एजेन्सी । भारतको गुजरात राज्यमा शनिबार एउटा निजी कम्पनीको निर्माणस्थलमा पर्खाल भत्कँदा कम्तीमा ६ कामदारको मृत्यु भएको छ ।

प्रहरीका अनुसार तीनजना फसेको आशंका गरिएको छ ।

गुजरातको राजधानी गान्धीनगरबाट ४० किलोमिटर उत्तरपश्चिमस्थित मेहसाना जिल्लाको काडी सहरको जसलपुर गाउँनजिकै पर्खाल भत्किएको हो ।

निर्माणस्थलमा माटो खसेका कारण पर्खाल भत्किएको अधिकारीहरूले जनाएका छन् ।