काठमाडौं । पूर्वराजा ज्ञानेन्द्र शाहले भुटान भ्रमण निजी रहेको बताएका छन् ।

निर्मलनिवासमा शनिबार सर्वसाधारणलाई विजयादशमीको टीका लगाइदिने क्रममा सञ्चारकर्मीलाई संक्षिप्त प्रतिक्रिया दिँदै उनले यस्तो बताएका हुन् ।

केही दिनअघि मात्र आफू भुटान गएको र उक्त भ्रमण निजी रहेको उनले उल्लेख गरे । भुटान भ्रमणका बारेमा सबैको चासो र जिज्ञासा रहेको उनले बताए ।

भुटान भ्रमणका क्रममा आफूलाई गरेको सम्मानलाई सबै नेपालीलाई गरिएको आदरका रूपमा लिएको उनको भनाई छ ।