काठमाडौं । सर्वोच्च अदालतका प्रधानन्यायाधीश प्रकाशमानसिंह राउत मलेसिया प्रस्थान गरेका छन् ।

मलेसियामा आयोजना हुने कार्यक्रममा सहभागी हुन प्रधानन्यायाधीश राउत मलेसिया प्रस्थान गरेको हो।

सर्वोच्च अदालतकाअनुसार प्रधानन्यायाधीश राउत क्वालालम्पुरमा आयोजना हुने एसिया र प्यासिफिक क्षेत्रका प्रधानन्यायाधीशहरूको १९ औँ सम्मेलनमा भाग लिनेछन् ।

उक्त सम्मेलन असोज २५ देखि २८ गतेसम्म आयोजना हुनेछ । प्रधानन्यायाधीशको प्रतिनिधिमण्डलमा सर्वोच्च अदालतका मुख्य रजिष्ट्रार देवेन्द्र ढकाल र रजिष्ट्रार विमल पौडेल पनि सहभागी रहेका छन् ।