काठमाडौं । एभरेष्ट महिला भलिबल लिगको उपाधिका लागि आज ललितपुर क्विन्स र कर्णाली यश्विस भिड्दै छन् ।

त्रिपुरेश्वरस्थित राष्ट्रिय खेलकुद परिषद, राखेपको कभर्ड हलमा अपराह्न साढे ५ बजे खेल शुरु हुनेछ । कर्णाली अपराजित यात्रामा छ। उसले लिग चरणका सबै पाँचवटा खेलमा जित निकालेर १३ अंक जोडेको छ।

उसको प्रतिद्वन्द्वी ललितपुर क्विन्सले भने पाँचमध्ये ३ खेलमा जित निकालेर १० अंक जोडेको छ ।

समान तीन खेलमा जित निकालेको काठमाडौं स्पाइकर्सलाई एक अंकले पछि पार्दै ललितपुरले फाइनल भिडन्त पक्का गरेको हो ।