कास्की । कास्कीबाट पाँच किलो भन्दाबढी अवैध चाँदीका गरगहनासहित एक भारतीय पक्राउ परेका छन् ।

पोखरा महानगरपालिका-३२ मजुवामा सवारी चेकजाँचको क्रममा ५ किलो ६९० ग्राम गरगहनासहित ३५ वर्षीय भूषण प्रसादलाई प्रहरीले पक्राउ गरेको हो ।

भारतको पूर्वी चम्पारण सुगौली थाना-१० घर भएका उनी हाल पोखरा महानगरपालिका-९ नयाँबजार बस्दै आएका छन् । झोलामा लुकाएको अवस्थामा गहना बरामद गरेको जिल्ला प्रहरी कार्यालय कास्कीले जनाएको छ ।

उनलाई थप अनुसन्धान र कारबाहीका लागि आन्तरिक राजस्व अनुसन्धान विभाग हरिहर भवन पठाइएको छ ।