काठमाडौँ । झ्याप्ले खोलाको पहिरोले अलपत्र परेका यात्रुहरूलाई काठमाडौँसम्म ल्याउन सशस्त्र प्रहरीले सहयोग गर्ने भएको छ ।

आइतबार सूचना जारी गर्दै सशस्त्र प्रहरीले अलपत्र यात्रुलाई दुई वटा बसबाट काठमाडौँसम्म ल्याउने जनाएको हो ।

त्यसका लागि सशस्त्र प्रहरी निरीक्षकको कमाण्डमा १३ जनाको टोल खटाएको जनाइएको छ ।

४० सिट क्षमताका दुई वटा बसले झ्याप्ले खोलाबाट काठमाडौँसम्म ल्याउने सशस्त्र प्रहरीले जनाएको छ ।