काठमाडौं । सर्वदलीय बैठक आज दिउँसो बस्दै छ । सरकारले बोलाएको बैठक दिउँसो १ बजे प्रधानमन्त्रीको कार्यालय सिंहदरबारमा बस्ने तय भएको हो ।

बाढीपहिरोले निम्त्याएको विपद्पछिको राहत, उद्धार र जनधनको क्षतिबारे बैठकमा छलफल हुनेछ ।

असोज १० गतेदेखिको अविरल वर्षाले ठूलो जनधनको क्षति भएको छ । संयुक्त राष्ट्रसंघको ७९औँ महासभामा भाग लिन प्रधानमन्त्री केपी शर्मा ओली हाल अमेरिकामा छन्।

आफू अमेरिका जाने भएपछि उनले उपप्रधान एवं सहरी विकासमन्त्री सिंहलाई कार्यवाहकको जिम्मेवारी सुम्पेका थिए।