वीरगन्ज । नेपाली कांग्रेसका सभापति शेरबहादुर देउवाले वीरगन्जमा नवनिर्मित पार्टी कार्यालयको उद्‍घाटन गरेका छन्।

वीरगन्ज महानगरपालिका२४ मा निर्माण गरिएको ‘आत्माराम ओझा-दुखा सहनी स्मृति भवन’को सभापति देउवाले उद्‍घाटन गरेका हुन्।

१ करोड २९ लाख रुपैयाँको लागतमा निर्माण गरिएको पार्टी कार्यालय भवन तीन तल्ले रहेको छ।

वीरगन्ज महानगरपालिका, विभिन्न दाता र कांग्रेसका नेताहरूको सहयोगमा सुविधासम्पन्न पार्टी कार्यालय भवन निर्माण गरिएको कांग्रेस पर्साले जनाएको छ । भवनको शिलान्यास २०७७ सालमा गरिएको थियो ।