काठमाडौं । मेडिकल व्यवसायी दुर्गा प्रसाईंलाई छाड्नुपर्ने माग गर्दै अदालतमा बन्दी प्रत्यक्षीकरणको रिट दायर भएको छ ।

गैरकानूनी रुपमा हिरासतमा राखिएको भन्दै प्रसाईंका तर्फबाट सर्वोच्च अदालतमा बन्दी प्रत्यक्षीकरणको रिट दायर गरिएको हो।

सोमबार बिहान प्रसाईं पक्षका कानून व्यवसायीहरुले अदालतमा रिट निवेदन दिएका छन् ।

तर, उनको निवेदन दर्ता भइसकेको भने छैन । प्रहरीको साइबर ब्यूरोले प्रसाईंलाई आइतबार भक्तपुरस्थित उनको घरबाट पक्राउ गरेको थियो ।

विद्युतीय माध्यमबाट आफ्नो चरित्र हत्या गरेको भन्दै साइबर ब्यूरोमा एक महिलाले दिएको उजुरीका आधारमा प्रसाईंलाई पक्राउ गर्न प्रहरीले अनुमति पाएको थियो ।