काठमाडौं । काठमाडौंस्थित दरबारमार्गमा बिहीबार साँझ आयोजना गरिएको ‘नेसनल डे कन्सर्ट’ मा मेयर बालेन शाहको पक्षमा हुटिङ लागेको छ ।

दरबारमार्गमा अवलोकनका लागि प्रधानमन्त्री केपी शर्मा ओली पुगेका बेला काठमाडौं महानगरपालिकाका मेयर बालेनको पक्षमा हुटिङ लागेको हो ।

प्रधानमन्त्री ओलीले स्टेजमा उक्लिएर संविधान दिवसको शुभकामना दिएका थिए । त्यसक्रममा बालेनका समर्थकहरूले ‘बालेन, बालेन’ भनेर हुटिङ गरेका हुन् ।

स्टेजबाटै ओलीले सहभागीहरूसँग सेल्फी पनि लिएका थिए । यो कन्सर्टमा मेयर बालेन भने सहभागी छैनन् ।