काठमाडौं । काठमाडौं महानगरपालिकाका प्रमुख प्रशासकीय अधिकृत आठ महिनामै फेरिएका छन् ।

महानगरपालिकामा कार्यरत सहसचिव प्रदीप परियारलाई सञ्चार मन्त्रालयमा सरुवा गरिएको छ ।

उनको स्थानमा उद्योग मन्त्रालयमा कार्यरत सरोज प्रसाद गुरागाईको सरुवा भएको छ ।

युवा सहसचिव परियारलाई मेयर बालेन शाहले रुचाएका थिए । यद्यपी छोटो अवधिमै उनको सरुवा भएको छ । परियार गत माघमा महानगरपालिकामा हाजिर भएका थिए ।

मन्त्रिपरिषद्को बैठकले ४० सहसचिवको सरुवा गर्दा महानगरपालिकाका प्रशासकीय अधिकृत पनि फेरिएका हुन् ।