एजेन्सी । सिरियाको नयाँ प्रधानमन्त्रीमा मोहम्मद गाजी जलालीलाई नियुक्त गरिएको छ ।

सिरियाली राष्ट्रपति बसर अल–असदले शनिवार नयाँ प्रधानमन्त्रीमा जलालीलाई नियुक्त गरेका हुन् ।

सिभिल इन्जिनियर तथा अर्थशास्त्रको पृष्ठभूमिबाट आएका ५५ वर्षीय जलालीलाई राष्ट्रपतिको आदेशअनुसार नयाँ मन्त्रिपरिषद् गठनको जिम्मेवारी दिइएको छ । उनले हुसेन आर्नोसलाई प्रतिस्थापन गरेका हुन् ।

आर्नोसले सन् २०२० देखि प्रधानमन्त्रीका रूपमा काम गर्दै आएका थिए ।