भैरहवा । जनता समाजवादी पार्टी, नेपाल (जसपा) का अध्यक्ष उपेन्द्र यादवले कांग्रेस र कम्युनिष्टले देशको विकास नगर्ने बताएका छन् ।

जसपा नेपाल लुम्बिनी प्रदेशले शनिबार भैरहवामा गरेको ‘जनतासँग जसपा नेपाल आधारभूत संगठन निर्माण अभियान’ अन्तर्गत अभिमुखीकरण कार्यक्रममा बोल्दै पूर्वउपप्रधानमन्त्रीसमेत रहेका यादवले यस्तो बताएका हुन् ।

उनले कांग्रेस र कम्युनिष्टमा अन्तर नभएको बताए । उनले यी दुई पार्टीले जनतालाई अधिकार दिन नचाहेको आरोप लगाए ।

जसपा नेपालले मुलुकमा परिवर्तन ल्याउन सक्ने अध्यक्ष यादवको भनाई छ ।