काठमाडौं । नेपाली कांग्रेसका नेता कृष्णप्रसाद सिटौलाले उत्ताउलो भएर नबोल्न नयाँ दलहरूलाई सुझाव दिएका छन् ।

१११औँ बीपी जयन्तीको सन्दर्भमा शनिबार काठमाडौंमा आयोजित अन्तरक्रिया कार्यक्रममा उनले सो सुझाव दिएका हुन् ।

उनले पुराना दलहरूको योगदानका कारण मुलुकमा परिवर्तन सम्भव भएको पनि बताए ।

राष्ट्रिय स्वतन्त्र पार्टी, जनमतजस्ता नयाँ दलहरूलाई जनताले विश्वास गर्नु सकारात्मक पाटो भएको उनले उल्लेख गरे ।

तर, साँच्चै जनताका निम्ति काम गर्ने हो भने विनाकारण अरूलाई दोषारोपण नगर्न उनले सुझाव दिए ।