काठमाडौँ । नेकपा एमालेका नेता महेश बस्नेतविरूद्धको मुद्दा उच्च अदालत पाटनले खारेज गरेको छ ।

जानुका पाठक शोभाले २०८१ वैशाख २० गते दर्ता गरेको रिट बुधबार उच्च अदालतले खारेज गरेको हो ।

न्यायाधीशद्वय ऋषिराज भण्डारी र खडानन्द तिवारीको इजलासले बस्नेतविरुद्धको मुद्दा दाबी नपुग्ने भन्दै खारेज हुने फैसला सुनाएको छ ।

यो सँगै बस्नेतले बलात्कारको मुद्दामा सफाइ पाएका छन् । पीडित भनिएकी महिलाले बस्नेतबाट आफू पटक-पटक पीडित भएको भन्दै उजुरी दिएकी थिइन् ।