एजेन्सी । पोर्चुगलका स्टार खेलाडी क्रिस्टियानो रोनाल्डोले आफ्नो करियरको ९००औं गोल गरेका छन् ।

नेसन्स लिगमा क्रोएसियाविरुद्धको खेलमा पोर्चुगलका लागि ३९ वर्षीय रोनाल्डोले गोल गर्दै २–० को जित दिलाए ।

यो गोल उनको देशका लागि १३१ औं गोल हो भने उनले स्पोर्टिङ लिस्बन, म्यानचेस्टर युनाइटेड, रियल म्याड्रिड, युभेन्टस र हालको क्लब अल नासरका लागि क्लब स्तरमा गोल गरेका छन् ।

उनले ७ अक्टोबर २००२ मा १७ वर्ष आठ महिना तीन दिनको उमेरमा पोर्चुगलको स्पोर्टिङका लागि दुई गोल गरेका थिए ।