काठमाडौं । नेपाल प्रहरीका नायव महानिरीक्षक (डीआईजी) भरतबहादुर बोहराले काठमाडौं उपत्यका ट्राफिक प्रहरी कार्यालय प्रमुखको जिम्मेवारी सम्हालेका छन् ।

रामशाहपथस्थित कार्यालय पुगेर उनले पदभार ग्रहण गरेका हुन् ।

गएको असार २१ मा पोषराज पोखरेलले उमेरहदका कारण डीआईजीबाट अवकाश पाएपछि ट्राफिक प्रहरी कार्यालय निमिक्त प्रमुख एसएसपी जीवन श्रेष्ठको भरमा चलेको थियो ।

उनले समेत ३० वर्षे सेवाहदका कारण भदौ १६ मा अवकाश पाएपछि ट्राफिक प्रहरी नेतृत्वविहीन थियो । बुधबारदेखि भने डीआईजी बोहराले कमाण्ड सम्हालेका छन् ।