काठमाडौं । नेपाली कांग्रेसका सांसद डा. चन्द्र भण्डारीले सरकार यही तरिकाले अगाडी बढे नेतृत्व र मुलुकमाथि नै संकट आउने बताएका छन् ।

प्रतिनिधिसभा बैठकको विशेष समयमा बोल्दै सांसद भण्डारीले यस्तो बताएका हुन् । सांसद भण्डारीले सरकारको यही कार्यशैली रहे व्यवस्था र देशमाथि नै संकट उत्पन्न हुने चेतावनी दिए।

सांसद भण्डारीले भने,‘यही तरिकाले सरकार जान्छ भने संकट व्यवस्थामाथि पनि पर्छ, संकट नेतृत्वमाथि र मुलुकमाथि पनि पर्छ । सरकारले काम गरेर देखाउनु पर्छ । म व्यवस्थाका लागि लडेर साढे ५ वर्ष जेल परेको हुँ । नेतृत्वको इच्छाशक्ति नहुँदा काम गरौँ भन्दा पनि हामीले जवाफ दिनुपर्ने यो भारी बोक्न सक्दैनौ ।’

सांसद भण्डारीले दुई पार्टीको सहकार्यमा सरकार बनेपनि जनताका आधारभूत विषय सम्बोधन हुन नसकेको बताए।